Gaitasun operatibo handiagoa
Zeregin errepikakorren zama murrizteak bezeroei, gorabeherei eta negozioaren behar berriei arreta handiagoa eskaintzeko aukera ematen du.
Prozesuak · Automatizazioa · Integrazioa · Adimen artifiziala
Automatizazioa eta AA kostuak murrizteko eta gaitasun operatiboa handitzeko.
Eraginkortasun handiagoa.
Erantzuteko
gaitasun hobea.
Zuen enpresari prozesuak optimizatzen, informazioa hobeto aprobetxatzen eta zeregin errepikakorrei eskainitako ahalegina murrizten laguntzen diogu.
Zuen taldearen esperientzia eta erabiltzen dituzuen tresnak hartzen ditugu abiapuntu. Balioa non eman dezakegun aztertzen dugu, eta hobekuntza martxan jarri arte laguntzen dizuegu.
Hitz egin dezagun zuen enpresazOnurak
Zer hobetu daiteke
zuen enpresan.
Kostu txikiagoa prozesu bakoitzeko
Lan bikoiztuak eta zuzenketak saihesteak lana osatzeko behar diren baliabideak murrizten laguntzen du.
Epe laburragoak
Koordinazioa eta informazioaren eskuragarritasuna hobetzeak urratsen artean pilatzen diren itxaronaldiak murrizten ditu.
Erabakitzeko informazio gehiago
Datuak konektatzeak eta errazago kontsultatu ahal izateak jarduera hobeto ezagutzeko, desbideratzeak hautemateko eta testuinguru gehiagorekin jarduteko aukera ematen du.
Akats eta zuzenketa gutxiago
Egiaztapenak eta baliozkotze-irizpideak txertatzeak datu osatugabeak edo kontraesankorrak hautematen laguntzen du, gorabeherak sortu eta lana berriro egin behar izan aurretik.
Ezagutza eskuragarriago
Enpresaren ezagutza antolatzeak eta haren kontsulta errazteak zalantzak argitzen, irizpideak partekatzen eta pertsona berriak taldean integratzen laguntzen du.
Nola laguntzen dizuegu
Aukerak identifikatzetik soluzioa eraikitzera.
Prozesuen azterketa eta hobekuntza-plana
Zuen eguneroko jarduna aztertzen dugu ondo ezagutzen duten pertsonekin: lana nola antolatzen den, zer informazio erabiltzen den eta zer zailtasun agertzen diren.
Aukerak erabilgarritasunaren, bideragarritasunaren eta behar duten ahaleginaren arabera baloratzen ditugu. Horrela, nondik hasi eta zer gerorako utzi erabaki dezakezue.
Zer lortzen duzue
Lehentasun arrazoituak, zehaztutako irismena eta hurrengo urratsen proposamena.
Automatizazioa eta integrazioa
Tresnak konektatu eta prozesuen zatiak automatizatzen ditugu, errepikatzen diren zereginak murrizteko eta informazioa arloen artean eskuragarri egoteko.
Lanak nola egin behar duen aurrera, salbuespenen aurrean zer egin eta pertsona batek noiz esku hartu behar duen zehazten dugu.
Zer lortzen duzue
Eskuzko esku-hartze gutxiago behar duten prozesuak eta haien funtzionamenduaren ikuspegi argiagoa.
Neurrira egindako AA-soluzioak
Informazioa interpretatzea, ezagutza kontsultatzea edo enpresaren dokumentu eta datuetatik abiatuta lana prestatzea eskatzen duten beharretarako soluzioak garatzen ditugu.
Zuen testuingurura egokitzen ditugu, eta erantzunak eta emaitzak nola berrikusi zehazten dugu.
Zer lortzen duzue
Zuen eguneroko jardunean txertatutako eta behar zehatz bati erantzuteko adimen artifizialeko gaitasunak.
Nola lan egiten dugu
Zuen taldearen ezagutza da proiektuaren gidaria.
Egoera ulertzen dugu
Zer lortu nahi duzuen entzuten dugu eta egungo prozesua aztertzen dugu. Ondo dabilena eta lantzea merezi duten zailtasunak identifikatzen ditugu.
Lehentasunak adosten ditugu
Lehen esku-hartzea hautatu, eta irismena, baliabideak eta ebaluazio-irizpideak zehazten ditugu. Badakizue zer egingo dugun eta zertarako.
Eraiki eta martxan jartzen dugu
Soluzioa garatzen dugu, benetako egoerekin funtzionamendua egiaztatzen dugu eta taldeari erabiltzen laguntzen diogu.
Emaitzak berrikusten ditugu
Lortutakoa abiapuntuarekin alderatzen dugu. Proiektuaren arabera, denborak, lan-karga, akatsak edo erantzuteko gaitasuna aztertzen ditugu, hurrengo doikuntzak erabakitzeko.
Honela lan egiten dugu ERALDATUn
Aholkularitza eta garapena,
zuen taldearekin.
Prozesuen azterketa eta gaitasun teknikoa uztartzen ditugu, automatizazioa eta AA zuen eguneroko jardunean aplikatzeko. Zuen esperientziak gidatzen du proiektua; lehen erabakietatik eguneroko erabilerara arte laguntzen dizuegu.
Negozioari begirako erabakiak
Proposamen bakoitza zuen enpresari ekar diezaiokeenaren arabera baloratzen dugu: gaitasuna, aurrezpena edo informazio hobea. Irismena zuekin adosten dugu.
Martxan jartzeko konpromisoa
Soluzioa diseinatu, eraiki eta integratzen dugu. Benetako egoeretan probatzen dugu eta erabiliko duten pertsonei laguntzen diegu.
Ezagutza eta kontrola
Nola funtzionatzen duen, zer muga dituen eta noiz berrikusi behar den azaltzen dugu. Taldeak erabiltzeko eta gorabeheren aurrean jarduteko irizpideak ditu.
Hasi aurretik
Ohiko
galderak.
Prozesu bakar batekin has gaitezke?
Bai. Lehen hobekuntza bat mugatu eta haren emaitzak balora ditzakegu, proiektua zabaldu aurretik.
Gure tresnak ordezkatu behar ditugu?
Lehenik, egungo tresnek zer aukera ematen dituzten aztertzen dugu. Aldaketaren bat behar bada, irismena zehaztean planteatzen dugu.
Proiektu guztiek behar al dute AA?
Soluzioa urratsak sinplifikatzea, sistemak konektatzea edo arauak automatizatzea izan daiteke. Adimen artifiziala behar zehatzerako erabilgarria denean txertatzen dugu.
Zuek arduratzen zarete ezartzeaz ere?
Bai. Adostutako soluzioa garatzen, integratzen eta martxan jartzen laguntzen dizuegu.
Harremana
Zer hobetu nahiko zenukete zuen eguneroko jardunean?
Gaitasuna handitu, kostuak murriztu, lehenago erantzun edo informazio hobea eskuratu.
Kontatu zuen egoera. Elkarrekin abiapuntua eta zer aztertu behar dugun identifikatuko dugu.
kaixo@eraldatu.eus